İran xarici işlər nazirinin müavini: "ABŞ qarşılıqlı anlaşma memorandumunu tam pozub"

ABŞ blokadanı yenidən tətbiq etməklə qarşılıqlı anlaşma memorandumunu tam şəkildə pozub.

"PostMedia" xəbər verir ki, bu barədə İran xarici işlər nazirinin müavini Kazem Qəribabadi "Fars" agentliyinə açıqlamasında bildirib.

“Hazırda bizim heç bir öhdəliyimiz yoxdur, o cümlədən Hörmüz boğazı ilə bağlı. Razılaşmanın əsas məqsədi İrana və digər cəbhələrdə müharibənin dayandırılması idi. Lakin bu razılaşma həm İran ərazisində, həm də Livanda pozulub”, – deyə diplomat vurğulayıb.

Qəribabadi əlavə edib ki, son bir ay ərzində İranla ABŞ arasında heç bir danışıqlar aparılmayıb.