Parisdə çinli məmurdan milyonlarla avro oğurlanıb

Naməlum şəxslər Fransanın paytaxtı Parisdə çinli bir məmura hücum edərək ümumi dəyəri 6–7 milyon avro olan saat və zinət əşyalarını oğurlayıblar.

"PostMedia" xəbər verir ki, bu barədə "TF1" telekanalı məlumat yayıb.

Jurnalistlərin bildirdiyinə görə, hadisə Parisin 16-cı rayonunda baş verib. İki hücumçu zərərçəkənin mənzilinə daxil olaraq, onun yatdığı vaxt hücum ediblər. Soyğunçuluqdan sonra cinayətkarlar hadisə yerindən qaçıblar, zərərçəkən isə polisə müraciət edib.

Kişi Jorj Pompidu xəstəxanasına aparılıb. Həkimlərin qiymətləndirməsinə görə, aldığı xəsarətlər onun həyatı üçün təhlükə yaratmır.

Qeyd olunur ki, Fransada bundan əvvəl də bir sıra səs-küylü oğurluq hadisələri qeydə alınıb. Onların sırasında amerikalı zərgər Kris Ayrdan 1 milyon avrodan artıq məbləğin oğurlanması, eləcə də Yelisey sarayından kolleksiya çini məmulatlarının itməsi halları var.