İslam İnqilabı Keşikçiləri Korpusu: Hörmüz boğazında 10-dan çox gəmiyə zərbə endirilib

İran fevralın 28-də ABŞ və İsrail tərəfindən başlanan hücumlardan sonra Hörmüz boğazında 10-dan çox gəmiyə, o cümlədən tankerlərə zərbə endirib.

"PostMedia" xəbər verir ki, bu barədə İslam İnqilabı Keşikçiləri Korpusunun nümayəndəsi bildirib.

“İndiyədək 10-dan çox belə gəmi və tankeri vurmuşuq. Tramp hər gün İranın dəniz qüvvələrinin məhv edildiyini deyir, lakin biz onların gəmilərinə zərbələr endirməyə davam edirik. Onların nə geri çəkilməyə, nə də irəliləməyə yolu var”, – deyə nümayəndənin sözlərini Mehr News Agency sitat gətirib.

Rəsmi məlumatda hücumların nəticələri və zərərin miqyası barədə əlavə detallar açıqlanmayıb.