Nikol Paşinyan: “İndidən deyirəm, mən Bakıya gedəcəyəm”

Regionda vəziyyətin sabit qalması üçün səylər davam etdirilməlidir.

"PostMedia" xəbər verir ki, bunu Ermənistanın Baş naziri Nikol Paşinyan Milli Məclisdə hökumətlə sual-cavab sessiyası zamanı bildirib.

“Deyirlər ki, Azərbaycan Prezidentinin köməkçisi Hikmət Hacıyev Dilicana gəlib. Onun Dilicana gəlməsi sülh prosesinin institusional şəkildə inkişaf etdiyini göstərən əlavə təminatdır. Əgər dəvət olarsa, 2029-cu ildə Avropa Siyasi Birliyinin sammiti Bakıda keçiriləndə indidən deyirəm ki, mən Bakıya gedəcəyəm”, – deyə Paşinyan bildirib.

O əlavə edib ki, Ermənistanda bəzi qüvvələr Qarabağ hərəkatının davam etdirilməsini istəyirlər və buna yol verilməməlidir.

“Ermənistanda 500 mindən çox insan deyir ki, Qarabağ hərəkatını davam etdirməliyik. Biz buna imkan verməməliyik”, – deyə Paşinyan vurğulayıb.