Peskov: "Rusiya ABŞ və İranı təmkinli olmağa və danışıqlar masasına qayıtmağa çağırır"

Rusiya ABŞ və İran arasında münasibətlərin yenidən gərginləşməsindən narahatdır və bütün tərəfləri təmkinli davranmağa, eləcə də danışıqlar masasına qayıtmağa çağırır.

"PostMedia" xəbər verir ki, bu barədə Kremlin sözçüsü Dmitri Peskov brifinq zamanı bildirib.

“Biz bu vəziyyətdən narahatıq. Münaqişənin bütün tərəflərini təmkin nümayiş etdirməyə çağırırıq”.

Kreml nümayəndəsi əlavə edib ki, Moskva tərəflərin danışıqlar prosesinə qayıtmasını vacib hesab edir.

“Biz onları danışıqlar prosesinə qayıtmağa çağırırıq”, – deyə Peskov vurğulayıb.