Rusiya və Azərbaycan çoxşaxəli müttəfiqlik əməkdaşlığının gücləndirilməsi üzrə işləri davam etdirəcəklər — Rusiya XİN

Rusiya və Azərbaycan qarşılıqlı şəkildə çoxşaxəli müttəfiqlik əməkdaşlığının gücləndirilməsi istiqamətində işi davam etdirməyə hazırdırlar. Bu əməkdaşlığa Cənubi Qafqaz və Xəzər regionunda sülhün, sabitliyin və əməkdaşlığın əsaslarının möhkəmləndirilməsi də daxildir.

"PostMedia" xəbər verir ki, bu barədə Rusiya xarici işlər nazirinin müavini Mixail Qaluzin və Azərbaycanın səfiri Rəhman Mustafayev arasında keçirilən görüş zamanı bildirilib.

Qeyd olunub ki, tərəflər Rusiya–Azərbaycan çoxşaxəli müttəfiqlik əməkdaşlığının daha da gücləndirilməsi istiqamətində səmərəli birgə işi davam etdirməyə qarşılıqlı maraq göstərirlər. Bu, o cümlədən Cənubi Qafqaz və Xəzər regionunda sülhün, sabitliyin və əməkdaşlığın möhkəmləndirilməsini əhatə edir.

Görüşdə Rusiya–Azərbaycan gündəliyinin aktual məsələləri üzrə fikir mübadiləsi aparılıb, həmçinin qarşıdakı yüksək səviyyəli təmaslarla bağlı “saatların dəqiqləşdirildiyi” qeyd olunub. İkitərəfli əməkdaşlığın mövcud vəziyyəti və perspektivləri, o cümlədən mədəni-humanitar əlaqələrin tam həcmdə bərpasının vacibliyi də ətraflı müzakirə olunub, Rusiya XİN-in məlumatında bildirilib.