Tramp dörd həftədən sonra Si Cinpininlə görüşməyi planlaşdırır

ABŞ Prezidenti Donald Tramp təxminən bir ay sonra Çin Prezidenti Si Cinpininlə görüş keçirəcək.

“PostMedia” xəbər verir ki, bu barədə o, "Truth Social" platformasında yazıb. Tramp qeyd edib ki, soya yetişdirən fermerlər zərər görür, çünki Çin “danışıqlar səbəblərinə” görə ABŞ-dən soya almır.
“Dörd həftədən sonra Çin Prezidenti Si Cinpininlə görüşəcəyəm və soya əsas müzakirə mövzularından biri olacaq”, – deyə Tramp bildirib.

O, həmçinin qeyd edib ki, ABŞ gömrük rüsumları sayəsində böyük gəlir əldə edir və bunun bir hissəsi fermerlərə yardım üçün ayrılacaq.