“Makkabi Tel-Əviv” azarkeşlərinə İngiltərədə keçiriləcək Avropa Liqası oyununa qadağa qoyuldu

İsrailin “Makkabi Tel-Əviv” futbol klubunun azarkeşlərinə UEFA Avropa Liqası çərçivəsində noyabrın 6-da “Aston Villa” ilə Böyük Britaniyada keçiriləcək oyunu stadiondan izləmək qadağan edilib.

”PostMedia” xarici KİV-lərə istinadən xəbər verir ki, qərar, Birminhem Şəhər Təhlükəsizlik Məsləhət Qrupu (SAG) tərəfindən polis idarəsinin təhlükəsizlik xəbərdarlığı əsasında qəbul olunub.

Aston Villa can confirm the club has been informed that no away fans may attend the UEFA Europa League match with Maccabi Tel Aviv.

— Aston Villa (@AVFCOfficial) October 16, 2025

Şəhərin qərb polis idarəsi matçı yüksək riskli elan edərək, stadion ətrafında kütləvi etirazlar və qarşıdurmalar ehtimalının yüksək olduğunu bildirib.

Polis, potensial toqquşmaların və nifrət çıxışlarının qarşısını almağın çətin olacağını əsas gətirib.

WMP supports Safety Advisory Group decision regarding Aston Villa vs Maccabi Tel-Aviv football match.

Click for our statement 👉 https://t.co/NMLkntX08n pic.twitter.com/GgxeYvc7Xm

— West Midlands Police (@WMPolice) October 16, 2025

Klubun açıqlamasında qeyd olunub ki, “Makkabi Tel-Əviv”in səfər azarkeşləri üçün tribunalar açılmayacaq və bilet satışı həyata keçirilməyəcək.

Xatırladaq ki, ötən il Amsterdamda “Ayaks” – “Makkabi Tel-Əviv” oyunu zamanı ciddi insidentlər yaşanmış, onlarla nəfər saxlanılmış, 5 nəfər həbs edilmişdi.

Hadisə zamanı israilli azarkeşlərin şəhər sakinlərinə hücum etdiyi, Fələstin simvollarını dağıtdığı və irqçi şüarlar səsləndirdiyi iddia edilmişdi.

İsrailin xarici işlər naziri Gideon Saar isə qadağanı “utancverici” adlandırıb və geri götürülməsini tələb edib.

Yəhudi Liderlik Şurası da qərara etiraz edərək, əgər təhlükəsizlik təmin olunmursa, matçın ümumiyyətlə azarkeşsiz oynanmalı olduğunu bildirib.

Hadisə, Qəzzada davam edən müharibə fonunda İsrail futbol klublarının beynəlxalq yarışlardan kənarlaşdırılması çağırışlarının artdığı bir dövrdə baş verir.

”Game Over Israel” təşkilatı UEFA-ya rəsmi müraciət edərək İsrailin idmandan diskvalifikasiya edilməsini tələb edib. Onlar İsrailin idmandan siyasi təbliğat vasitəsi kimi istifadə etdiyini və bunun qəbuledilməz olduğunu bildiriblər. UEFA-nın isə bu mövzuda yaxın günlərdə mövqe açıqlayacağı gözlənilir.