Mbappe: "Fransa DÇ-2026-da böyük hədəflər qoyub"

Kilian Mbappe bildirib ki, Fransa milli komandası 2026-cı ildə keçiriləcək dünya çempionatında yüksək nəticə əldə etməyi hədəfləyir.

"PostMedia"nın məlumatına görə, Fransa yığmasının və "Real Madrid" klubunun hücumçusu iyun–iyul aylarında ABŞ, Kanada və Meksikada keçiriləcək dünya çempionatında komandasının ambisiyalarından danışıb.

“Dünya çempionatı xüsusi bir məqamdır. Qələbə birgə səylər, əzm, qətiyyət və komanda ruhu sayəsində qazanılır. Bizim böyük ambisiyalarımız var, amma eyni zamanda təvazökarıq, çünki futbolda heç nə zəmanətli deyil”, – deyə Mbappenin sözlərini Mundo Deportivo sitat gətirib.

Dünya çempionatının qrup mərhələsində Fransa millisinin rəqibləri Seneqal, İraq və Norveç olacaq. ⚽