İran Parlamentinin sədri: "Biz bütün ssenarilərə hazırıq: onlar təəccüblənəcəklər"

İran parlamentinin sədri Məhəmməd Baqir Qalibaf bildirib ki, ölkənin silahlı qüvvələri istənilən aqressiyaya layiqli cavab verməyə hazırdır.

“PostMedia” xəbər verir ki, bu açıqlama Donald Trampın İranla atəşkəs rejimini “süni nəfəs aparatına qoşulmuş vəziyyət” kimi xarakterizə etməsindən və Tehranın ABŞ tələblərini yerinə yetirməyəcəyi təqdirdə yenidən hədələr səsləndirməsindən sonra verilib.

Qalibaf “X” sosial şəbəkəsindəki paylaşımında vurğulayıb:

“Səhv strategiya və yanlış qərarlar qaçılmaz olaraq yanlış nəticələrə gətirib çıxarır - artıq bütün dünya bunu anlayıb. Biz hadisələrin inkişafının bütün variantlarına hazırıq. Onlar təəccüblənəcəklər”, - deyə İran parlamentinin sədri qeyd edib.