Aİ uzunmüddətli perspektivdə aviasiya yanacağı qıtlığının yarana biləcəyi barədə xəbərdarlıq edib

Enerji məsələləri üzrə Avropa komissarı Dən Corqensen bildirib ki, hazırda aviasiya yanacağının tədarükü üçün birbaşa təhlükə yoxdur, lakin uzunmüddətli dövrdə çatışmazlıq ehtimalını istisna etmək olmaz.

"PostMedia"nın məlumatına görə, komissar deyib ki, vəziyyətin necə inkişaf edəcəyi əsasən Iran ətrafındakı müharibədən, Hörmüz boğazındakı durumdan və aviaşirkətlərin reaksiyasından asılı olacaq. O qeyd edib ki, bir sıra şirkətlər, o cümlədən "Lufthansa" ilə əlaqəli alman aviaoperatorları çoxsaylı reysləri ləğv ediblər.

Yorqensen vurğulayıb ki, kerosinlə bağlı vəziyyət “hələ kritik həddə çatmayıb”, lakin Avropa İttifaqının icraedici qurumu üzv ölkələrlə problemin həlli yolları barədə danışıqlara başlayacaq.

İranda davam edən müharibə fonunda fevralın sonundan etibarən bəzi bazarlarda aviasiya yanacağının qiymətləri iki dəfədən çox artıb.

“Əslində bu enerji böhranı deyil. Bu, fosil yanacaq böhranıdır”, — deyə Yorqensen əlavə edib.