“İnter Mayami” Luis Suaresə yeni müqavilə təklif edib

MLS çempionu “İnter Mayami” 38 yaşlı uruqvaylı hücumçu Luis Suaresə yeni müqavilə təklif edib.

"PostMedia" "AS"ə istinadən xəbər verir ki, ABŞ klubu əməkdaşlığı daha bir il uzatmaq istəyir.

Luis Suares hələlik son qərarını verməyib. O, karyerasına başladığı “Nasional” klubuna qayıtmağı düşünür.

Bununla yanaşı, “İnter Mayami” hazırda “RB Leypsiq”in 29 yaşlı alman hücumçusu Timo Vernerlə danışıqlar aparır. Əgər bu transfer baş tutsa, Suaresin Amerika klubunun start heyətində daimi yeri olmayacağı bildirilir.