Messi: "Bütün karyeramı sevə-sevə Barselonada keçirərdim"

Argentina millisinin dünya çempionu, 38 yaşlı hücumçusu Lionel Messi ABŞ-nin "İnter Mayami" klubunda müqaviləsi başa çatdıqdan sonra "Barselona"ya qayıtmaq niyyətindədir.

"PostMedia" xəbər verir ki, bu barədə "Sports.es" saytı məlumat yayıb.

"Bütün karyeramı sevə-sevə "Barselona"da keçirərdim. Təəssüf ki, hər şey başqa cür oldu. Amma ora mənim evimdir, oradadır mənim insanlarım. Əlbəttə, mən Barselonaya qayıdacağam. Bir neçə il də ABŞ-da olacağam, amma sonra ailəmlə birlikdə qayıdacağıq. Mən Barselona üçün çox darıxıram".

Messi 2021-ci ildə azad agent statusunda Fransanın PSJ klubuna keçmişdi.