Gürcüstan patriarxına Türkiyədən reanimatoloq gələcək

17 mart səhəri Gürcüstan Patriarxiyası bildirib ki, 93 yaşlı İliya II qəfil sağlamlıq vəziyyətinin pisləşməsi səbəbindən xəstəxanaya yerləşdirilib.

"PostMedia"nın məlumatına görə, Mixael Sardjveladze jurnalistlərə açıqlamasında deyib ki, Türkiyədən yüksək ixtisaslı və nüfuzlu bir reanimatoloq Tbilisiyə gələcək və patriarxın vəziyyətini qiymətləndirəcək.

Xəstəxana həkimi bildirib ki, patriarx mədə qanaması ilə gətirilib və süni tənəffüs aparatına qoşulub.

Sardjveladze əlavə edib: “Bir neçə saat içində Tbilisiyə gələcək reanimatoloqun çıxaracağı nəticələrin mövcud müalicə metodikası ilə uyğun olacağını gözləyirəm. Lakin, əlbəttə, maraq və pozitiv gözləntilərlə ümid edirik ki, o, daha effektiv həll yolları da təklif edə biləcək”.

Sofiya Aspanidze bildirib ki, patriarxın vəziyyəti kritik ağırdır. Müalicə olunan mərkəzdə çoxprofilli konsilium yaradılıb və onlar İliya II-nın gələcək müalicə kursunu müzakirə edirlər.