Aİ sülhə nail olmaq üçün Azərbaycanla Ermənistana dəstək verməyə hazırdır

Avropa İttifaqı Ermənistan və Azərbaycan arasında sülhə nail olunmasına dəstək verməyə hazırdır.

"PostMedia" xəbər verir ki, bunu dekabrın 2-də Ermənistan–Aİ Əməkdaşlıq Şurasının 6-cı iclasından sonra keçirilən mətbuat konfransında Avropa İttifaqının xarici siyasət və təhlükəsizlik məsələləri üzrə yüksək nümayəndəsi Kaya Kalas bildirib.

"Avropa İttifaqı tərəflərə bu məsələdə dəstək vermək üçün əlindən gələni edəcək", – deyə o əlavə edib.

Qeyd edilib ki, Vaşinqtonda avqust ayında Ermənistan və Azərbaycan arasında əldə olunan razılaşmalar davam edən münaqişənin dayandırılması üçün əhəmiyyətlidir.