Qazaxıstan Türkiyəyə Ermənistan üzərindən yeni ticarət marşrutu aça bilər - nazir

Qazaxıstan Ermənistan ərazisindən keçməklə Türkiyəyə yeni ticarət marşrutu açmağı nəzərdən keçirir.

"PostMedia" xəbər verir ki, bu barədə Qazaxıstanın iqtisadiyyat naziri Serik Jumanqarin cümə günü jurnalistlərə açıqlama verib.

Nazirin sözlərinə görə, Ermənistan üzərindən keçəcək yeni logistika xətti Astanaya Türkiyənin dəniz limanlarına birbaşa çıxış imkanı yaradacaq.

“Hazırda biz Azərbaycan üzərindən Gürcüstanın Qara dəniz limanlarına çıxırıq. Yeni marşrut isə Qazaxıstanı Naxçıvan vasitəsilə birbaşa Türkiyəyə, oradakı dəniz limanlarına bağlamağa imkan verəcək”, — deyə Jumanqarin bildirib.

Qeyd edək ki, Ermənistanın baş naziri Nikol Paşinyan hazırda rəsmi səfərlə Qazaxıstandadır.