Mirzoyan Fransa Senatının sədri ilə Azərbaycanla imzalanacaq sülh müqaviləsini müzakirə edib

Ermənistan Respublikasının Xarici İşlər naziri Ararat Mirzoyan Fransa Senatının sədri Jerar Larşe ilə görüş keçirib.

"PostMedia" xəbər veirr ki, görüşdə Senatın xarici əlaqələr, müdafiə və silahlı qüvvələr komitəsinin sədri Sedrik Peren, Fransa–Ermənistan dostluq qrupunun rəhbəri Jilber-Lyuk Devinaz və Senatın Avropa məsələləri komissiyasının sədr müavini Alen Kadek də iştirak ediblər.

Görüş zamanı Cənubi Qafqaz regionundakı son vəziyyət ətrafında geniş müzakirə aparılıb. Nazir Mirzoyan bölgədə baş verən son proseslər barədə məlumat verərək, Azərbaycanla əldə olunmuş sülh şəraitində regionun inkişafı ilə bağlı Ermənistanın baxışını, o cümlədən kommunikasiya yollarının mühüm nəqliyyat qovşağına çevrilməsi potensialının səmərəli reallaşdırılması məsələsini təqdim edib.