Bu gün Putin Suriya Prezidenti ilə görüşəcək

Bu gün Rusiya Prezidenti Vladimir Putin işgüzar səfər çərçivəsində Moskvaya səfər edən Suriya Prezidenti Əhməd əş-Şaraa ilə görüş keçirəcək.

"PostMedia" xəbər verir ki, bu barədə Kremlin Telegram kanalında məlumat verilib.

Bildirilib ki, liderlər Rusiya-Suriya əlaqələrinin siyasi, ticarət-iqtisadi və humanitar sahələrdə mövcud vəziyyətini və inkişaf perspektivlərini müzakirə edəcəklər. Həmçinin Yaxın Şərqdəki son hadisələr gündəmdə olacaq.

Çərşənbə axşamı məlumat verilmişdi ki, əş-Şaraa 15 oktyabrda Moskvaya gələcək.

Sentyabr ayında Suriya Respublikasının müvəqqəti prezidenti Moskvada keçiriləcək birinci Rusiya-Ərəb sammitində ölkə nümayəndə heyətinə rəhbərlik edəcək. Tədbirdə Yaxın Şərq və Şimali Afrikanın ərəb dövlətlərinin, eləcə də Ərəb Dövlətləri Liqasına daxil olan Şərqi Afrika ölkələrinin nümayəndələrinin iştirak edəcəyi gözlənilir.

Qeyd edək ki, daha əvvəl Sergey Lavrov Rusiya­nın Suriyada fəaliyyətini davam etdirməyə hazır olduğunu bəyan etmişdi.