Azərbaycan, Rusiya və İran Fars körfəzinə qədər logistika marşrutu qurur

Azərbaycan, Rusiya və İran Şimaldan – Barens və Baltik dənizlərindən – Fars körfəzinə qədər uzanan vahid logistika şəbəkəsinin formalaşdırılması istiqamətində əməkdaşlığı gücləndirir.

“PostMedia” xəbər verir ki, bu barədə Rusiyanın baş nazirinin müavini Aleksey Overçuk üçtərəfli görüş zamanı bildirib. O vurğulayıb ki, məqsəd – Azərbaycanın da mühüm rol oynadığı vahid ticarət məkanında malların sərbəst dövriyyəsini təmin edən “bariyersiz logistika” sisteminin yaradılmasıdır.

Overçukun sözlərinə görə, bu təşəbbüs istehsalçılar, ixracatçılar və idxalçılar üçün ən əlverişli rəqabət mühiti formalaşdıracaq, regionda yeni iş yerlərinin açılmasına və iqtisadi artıma səbəb olacaq.