NATO baş katibi Estoniya baş nazirinin üstünə səsini qaldırıb

02-oktyabr-2025

Yazı Ölçüsü:

NATO-nun baş katibi Mark Rutte rus "MiQ-31" təyyarəsinin uçuşuna reaksiya verilməsi ilə bağlı mübahisə zamanı Estoniya hökumət başçısı Kristen Mihala səsini qaldırıb.

"PostMedia" xəbər verir ki, bu barədə "Fox News" üç avropalı rəsmiyə istinadən məlumat yayıb.

Rutte ilə Kristen Mihal arasında fikir ayrılığı Tallin NATO müqaviləsinin 4-cü maddəsini işə saldıqdan sonra yaranıb. Həmin maddə alyans üzvü öz təhlükəsizliyinə təhdid gördükdə məsləhətləşmələr aparılmasını nəzərdə tutur.

Mənbələrin sözlərinə görə, Rutte hesab edib ki, bu maddənin sui-istifadəsi müqavilənin effektivliyini zəiflədə bilər. O, hətta Estoniya baş nazirinə səsini qaldıraraq qeyd edib ki, alyans həddindən artıq tez-tez həyəcan siqnalı verməkdə ehtiyatlı olmalıdır.