Ərdoğan: "Türkiyə Suriyanın birliyinin pozulmasına bir daha imkan verməyəcək"

"Türkiyə Suriyanın sabitliyinin pozulmasına, ərazi bütövlüyünə təhdidlərə və terrorçu qurumların yaranmasına daha imkan verməyəcək".

“Biz Suriyanın bölünməsi ilə bağlı istənilən bəyanatların qəti əleyhinəyik. Suriyanın ərazi bütövlüyünün qorunması, sərhədlərimizdən kənarda hər hansı terrorçu təşkilatların formalaşmasının qarşısının alınması bizim əsas prioritetimizdir. Bu məqsədlərə çatmaq üçün bütün diplomatik kanalları işə salmışıq. Bu kanallardan səbrlə, səmimiyyətlə və sağlam düşüncə mövqeyindən istifadə edirik. Əgər diplomatik təşəbbüslər cavabsız qalarsa, Türkiyənin mövqeyi və atacağı addımlar hamıya bəllidir. Türkiyə Suriyada déjà vu vəziyyətinin təkrarına imkan verməyəcək”, — deyə Ərdoğan parlamentdə çıxışı zamanı bildirib.