“Zəngəzur dəhlizi" türk dövlətlərinin birləşməsinin açarıdır” – Türkiyənin nəqliyyat naziri

“Zəngəzur dəhlizi" türk dövlətlərinin birləşməsinin açarıdır”.

"PostMedia" xəbər verir ki, bunu Türk Dövlətləri Təşkilatının nəqliyyat nazirlərinin 8-ci görüşündə çıxış edən Türkiyənin nəqliyyat və infrastruktur naziri Abdulkadir Uraloğlu deyib.

Nazir əlavə edib ki,"Zəngəzur dəhlizi" Qafqazda münasibətlərin tənzimlənməsi prosesində həyati rol oynayır.

“Regionumuz üçün daha bir yaxşı xəbər isə Zəngəzur vasitəsilə yeni imkanların açılmasıdır. Bu dəhliz Türkiyə ilə Azərbaycan arasında birbaşa quru əlaqəsini təmin edəcək və bütün türk dünyasının birləşməsi istiqamətində mühüm addım olacaq. Bundan regionun bütün ölkələri faydalanacaq”, – deyə o əlavə edib.