Türkiyə Təhlükəsizlik Şurası: "Bakı və Naxçıvan arasında sərbəst hərəkət bölgəyə faydalıdır"

Türkiyənin Milli Təhlükəsizlik Şurası bildirib ki, Azərbaycan və Naxçıvan arasında sərbəst hərəkət bölgəyə fayda gətirəcək.

PostMedia" yerli KİV-lərə istinadən xəbər verir ki, Şuranın iclası sentyabrın 30-da, Türkiyə prezidenti Rəcəb Tayyib Ərdoğanın sədrliyi ilə keçirilib.

Türkiyə prezidentinin mətbuat xidməti iclasla bağlı açıqlama yayıb və açıqlamada deyilir:

“Ermənistanla münasibətlərin normallaşdırılması prosesi müzakirə olunub. Azərbaycan və Naxçıvan arasında sərbəst hərəkəti təmin edəcək nəqliyyat xəttinin əhəmiyyəti vurğulanıb. Bu, regiondakı bütün ölkələrə fayda verəcək və eyni zamanda son dinc münasibətlərin qurulması arzumuza xidmət edəcək”.