Ermənistan və Polşa XİN rəhbərləri görüşüblər

Sentyabrın 30-da Varşavada Ermənistanın xarici işlər naziri Ararat Mirzoyan Polşanın xarici işlər naziri Radoslav Sikorski ilə görüşüb.

“PostMedia” xəbər verir ki, bu barədə Ermənistan XİN məlumat yayıb.

Tərəflər bir sıra məsələləri, o cümlədən Ermənistan–Polşa əməkdaşlığı, Ermənistanın Aİ-yə üzvlük məsələsini müzakirə ediblər.

Ermənistan XİN rəhbəri həmkarına avqustun 8-də Vaşinqtonda əldə olunmuş razılaşmalar barədə məlumat verib, xüsusilə sülhün təsdiqlənməsinin regionda sabit inkişaf və kommunikasiyaların açılması baxımından mühüm əhəmiyyət daşıdığını qeyd edib.