Zelenski prezident postundan getməyə hazır olduğunu bildirib

“PostMedia” xəbər verir ki, bunu Ukrayna lideri “Axios”a müsahibəsində deyib.

Zelenskinin sözlərinə görə, atəşkəs rejimi təmin olunacağı halda seçkilərin keçirilə biləcəyini istisna etməyib.

O qeyd edib ki, müharibə dayandırılacağı təqdirdə belə bir “imkan” yarana bilər.

“Əgər biz ruslarla müharibəni bitirsək, mən seçkilərdə iştirak etməməyə hazıram. Çünki bu, mənim məqsədim deyil”, – Zelenski bildirib.

Qeyd edək ki, Rusiya hakimiyyəti Zelenskini legitim prezident hesab etmir və onunla danışıqlar aparılmasını şübhə altına alır. ABŞ lideri Donald Tramp isə bu mövqeyi “pozuculuq” adlandırıb.