Tram İsrailin Qətərə hücumuna müasibət bildirib

ABŞ Prezidenti Donald Tramp İsrail qüvvələrinin Qətərin paytaxtı Dohaya zərbələr endirməsi ilə bağlı paylaşım edib.

"PostMedia" xəbər verir ki, D.Tramp Həmasın məhv edilməli olduğunu qeyd edib:

"Bu səhər Tramp Administrasiyasına Amerika Birləşmiş Ştatları Ordusu tərəfindən məlumat verildi ki, İsrail Həmasa hücum edir. Təəssüf ki, bu təşkilat Qətərin paytaxtı Dohanın bir hissəsində yerləşirdi. Bu qərar Baş nazir Netanyahu tərəfindən qəbul edilmişdir, mənim tərəfimdən verilmiş qərar deyildi. Qətərin – suveren bir dövlətin və ABŞ-ın yaxın müttəfiqinin – ərazisinə birtərəfli qaydada hava zərbəsi endirmək, hansı ki, bizimlə birlikdə fədakarlıqla risklərə gedərək sülhü vasitəçilik etməyə çalışan bir dövlətdir, nə İsrailin, nə də Amerikanın məqsədlərinə xidmət etmir. Bununla belə, Qəzzada yaşayan insanların iztirabları üzərindən qazanc götürən Həmasın məhv edilməsi məqsədəuyğun bir hədəfdir.

Mən dərhal xüsusi elçi Stiv Vitkoffa göstəriş verdim ki, qarşıdakı hücum barədə qətərliləri məlumatlandırsın. O, bunu etdi, lakin təəssüf ki, hücumu dayandırmaq üçün artıq çox gec idi. Mən Qətəri ABŞ-ın güclü müttəfiqi və dostu hesab edirəm və hücumun orada baş verməsindən çox məyusam. Mən BÜTÜN girovların və cəsədlərin azad edilməsini, habelə bu Müharibənin İNDİ dərhal bitməsini tələb edirəm! Hücumdan sonra mən Baş nazir Netanyahu ilə danışdım. Baş nazir mənə Sülh istədiyini bildirdi. Mən inanıram ki, bu bədbəxt hadisə SÜLH üçün bir fürsətə çevrilə bilər.

Həmçinin mən Qətərin Əmiri və Baş naziri ilə danışdım və ölkəmizə göstərdikləri dəstəyə və dostluğa görə onlara təşəkkür etdim. Onlara əminlik verdim ki, belə bir şey onların torpaqlarında bir daha baş verməyəcək. Mən Dövlət katibi Marko Rubiyoya Qətərlə Müdafiə Əməkdaşlığı Sazişini yekunlaşdırmaq barədə göstəriş vermişəm".