Nikol Paşinyan 5 ölkənin lideri ilə müzakirələr aparıb

Bu gün Ermənistan Baş Naziri nikol Paşinyan Türkiyə, Fransa, Rusiya və İran prezidentləri, eyni zamanda İordaniya Kralı ilə telefonla danışıb.

"PostMedia" Ermənistan KİV-lərinə istinadən xəbər verir ki, telefon danışığı zamanı avqustun 8-də ABŞ-nin paytaxtı Vaşinqtonda əldə edilmiş razılaşma müzakirə edilib.

N.Paşinyan dmüzakirələr apardığı ölkə lidelrəinə “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis olunması haqqında Saziş”in paraflanmasını, ATƏT-in Minsk qrupu mexanizmlərinin buraxılması ilə bağlı ATƏT-ə birgə müraciət, ölkələrin ərazi bütövlüyü, suverenliyi və yurisdiksiyası prinsipləri çərçivəsində regional kommunikasiyaların açılmasını, eləcə də “Beynəlxalq Sülh və Rifah naminə Tramp Marşrutu” layihəsi barədə məlumat verib.

Eyni zamanda müzakirələr zamanı qeyd edilib ki, sülh sazişinin imzalanması region üçün yeni qitsadi imkanlar açacaq.