Ərdoğan: Türkiyə Hindistan və Pakistan arasındakı gərginliyin qarşısını almağa hazırdır

Respublika prezidenti Pakistanla həmrəy olduğunu ifadə etdi

"PostMedia" xəbər verir ki, Türkiyə Prezidenti Rəcəb Tayyib Ərdoğan Pakistanın Baş naziri Şahbaz Şəriflə telefon danışığı zamanı Ankaranın Hindistan və Pakistan arasında gərginliyin daha da artmasının qarşısını almaq məqsədilə diplomatik əlaqələri davam etdirəcəyini bəyan edib.

“Türkiyə Prezidenti Tayyib Ərdoğan Pakistanın Baş naziri Şahbaz Şəriflə telefon danışığı aparıb. Danışıq zamanı Hindistan və Pakistan arasında münasibətlərdəki gərginlik, 6 may gecəsi baş vermiş hücum və hazırkı vəziyyət müzakirə olunub. Ərdoğan Pakistanla həmrəy olduğunu ifadə edib. O bildirib ki, Türkiyə gərginliyin artmasının qarşısını almaq üçün mümkün olan hər şeyi etməyə hazırdır və məsələ ilə bağlı diplomatik təmaslar davam etdiriləcək”, – deyə Türkiyə Prezident Administrasiyası məlumat yayıb.

Ərdoğan həmçinin qeyd edib ki, Türkiyə bu vəziyyətdə Pakistanın sakit və düşünülmüş siyasətini dəstəkləyir və onun Cammu və Kəşmirdə baş vermiş terror aktı ilə bağlı qərəzsiz, şəffaf, etibarlı beynəlxalq araşdırma aparılması təklifi tam yerinə düşən bir təşəbbüsdür.