İran yeni gizli silahın tətbiqinə hazırlaşır

İranlı general-mayor Abdullahi yeni, gizli silahın istifadəsinin yaxın vaxtlarda başlayacağını bildirib.

"PostMedia" xəbər verir ki, bu barədə “İranlı jurnalistin gündəliyi” Telegram kanalı məlumat yayıb.

Məlumata görə, general-mayor bildirib ki, yaxın zamanda tətbiq olunacaq yeni gizli silah düşmənin fəaliyyətinə son qoyacaq.

“Tezliklə yeni, gizli silahın tətbiqi başlayacaq və bu, düşmənin hərəkətlərinə son qoyacaq”, – deyə kanal Abdullahidən sitat gətirib.

Eyni zamanda ABŞ Prezidenti Donald Tramp aprelin 7-də İran ərazisinə zərbələr endirəcəyi ilə bağlı bəyanat verərək bunun nəticələrinin çox ağır ola biləcəyini istisna etməyib.

O, "Truth Social" hesabında yazıb ki, mümkün zərbələr nəticəsində “bütöv bir sivilizasiya məhv ola bilər”.

“Bütöv bir sivilizasiya bu axşam (8 aprel gecəsi) məhv ola bilər və o, heç vaxt bərpa olunmayacaq. Mən bunun baş verməsini istəmirəm, amma yəqin ki, belə olacaq”, – deyə Tramp qeyd edib.