Azərbaycanın da üzv olduğu qurum HƏMAS-a tələb irəli sürüb - NYT

06-aprel-2026

Yazı Ölçüsü:

Sülh Şurası HƏMAS-dan bu həftənin sonuna qədər Qəzzada demilitarizasiya üzrə razılaşmanı tamamlamasını tələb edib.

"PostMedia" xəbər verir ki, bu barədə "The New York Times" nəşri danışıqlarla tanış olan dörd diplomata istinadən məlumat yayıb.

Bu addımın Fələstin silahlı qruplaşmasına hakimiyyəti təhvil verməsi üçün təzyiqi artıracağı bildirilir.

Qəzzada altı aylıq atəşkəsi izləmək üçün yaradılmış beynəlxalq qurum HƏMAS-dan demək olar ki, bütün silahlarından imtina etməyi və yeraltı tunel şəbəkəsinin xəritələrini təqdim etməyi tələb etməlidir.

Diplomatların sözlərinə görə, Hamas nümayəndələri ilə Sülh Şurasının təmsilçilərinin çərşənbə axşamı Qahirə şəhərində görüşməsi gözlənilir. Məqsəd həftənin sonuna qədər demilitarizasiya üzrə razılaşma əldə etməkdir.

Qəzzanın demilitarizasiyası baş verərsə, İsrail Müdafiə Qüvvələri ərazinin böyük hissəsindən və ya tamamilə geri çəkilə bilər. Bu barədə “The New York Times” iki rəsmi mənbənin təsdiqlədiyi Sülh Şurasının daxili sənədinə istinadla yazıb.

Eyni zamanda, İsrailin əraziyə həyati əhəmiyyətli məhsulların gətirilməsinə qoyduğu məhdudiyyətlərin aradan qaldırılması və silahlı qrupların üzvlərinə amnistiya verilməsi də nəzərdə tutulur.

Qeyd edək ki, Azərbaycan da Sülh Şurasının üzvlərindən biridir.

Müəllif