Mariya Zaxarova Azərbaycana İrana humanitar yardımın çatdırılmasına görə təşəkkür edib

Rusiya Xarici İşlər Nazirliyinin rəsmi nümayəndəsi Mariya Zaxarova Azərbaycan hakimiyyətinə İrana humanitar yardımın çatdırılmasında göstərdiyi dəstəyə görə təşəkkür edib.

"PostMedia" xəbər verir ki, bunu o, aprelin 1-də keçirilən brifinq zamanı səsləndirib.

O, bildirib ki, Rusiya ABŞ və İsrailin hücumuna məruz qalan İrana dəstək göstərməyə davam edir.

Zaxarovanın sözlərinə görə, ötən ayın sonunda İran–Azərbaycan sərhədində, Bakının dəstəyi ilə qatarla gətirilən dərman preparatlarının növbəti partiyası təhvil verilib. Həmin partiyaya 300 mindən çox dərman vahidi daxil olub.

Bir qədər sonra isə Dağıstandan təxminən 150 ton humanitar yardım Astaraya çatdırılıb.