İran ABŞ ilə danışıqlarda uranın zənginləşdirilməsini dayandırmaqdan imtina edib – WSJ

Omanda ABŞ nümayəndələri ilə aparılan danışıqlar zamanı İranın xarici işlər naziri Abbas Araqçi bildirib ki, Tehran uranın zənginləşdirilməsini dayandırmaq niyyətində deyil və onu başqa ölkəyə ötürmək planları yoxdur.

"PostMedia" xəbər verir ki, bu barədə "The Wall Street Journal" yazır.

Nəşrin mənbələrinə görə, görüş zamanı tərəflərdən heç biri öz mövqeyini dəyişməyib. Bununla belə, hər iki tərəf İranın ABŞ tərəfindən mümkün hərbi zərbəsindən yayınmaq üçün diplomatik səyləri davam etdirməyə hazır olduqlarını ifadə ediblər.

Fevralın 6-da Maskatda keçirilən danışıqlardan sonra Araqçi görüşü “yaxşı başlanğıc” kimi dəyərləndirib və iki ölkənin paytaxtlarında məsləhətləşmələrdən sonra müzakirələrin davam edəcəyini qeyd edib.

Nazir daha əvvəl vurğulayıb ki, İran və ABŞ arasında uzunmüddətli razılaşma bərabər şərtlər və qarşılıqlı hörmət tələb edir.