Lavrov: "Makron zəng etsə, Putin cavab verəcək"

Fransa Prezidenti Emmanuel Makronun Rusiya prezidenti Vladimir Putinə zəng etmək barədə qeyri-müəyyən planları “acınacaqlı diplomatiya”dır. Bununla belə, Rusiya lideri hər zaman məzmunlu müzakirələrə açıqdır və ciddi təkliflər müvafiq cavab alacaq.

"PostMedia" xəbər verir ki, bu barədə Rusiyanın xarici işlər naziri Sergey Lavrov РИА Новости-yə açıqlamasında bildirib.

RT-yə verdiyi müsahibədə Lavrov xatırladıb ki, Fransa prezidenti daha əvvəl Putinə nə vaxtsa zəng etməyi planlaşdırdığını demişdi.

“Bu, ciddi deyil. Bu, acınacaqlı diplomatiyadır. Əgər zəng edib ciddi bir məsələni müzakirə etmək istəyirsinizsə, zəng edin. Rusiya prezidenti həmişə telefonu açacaq, istənilən təklifi dinləyəcək. Əgər söhbət ciddi təkliflərdən gedirsə, sizi əmin edirəm ki, onlar ciddi, konkret və praktiki cavabsız qalmayacaq”, – deyə Lavrov vurğulayıb.