Azərbaycan Xarici İşlər Nazirliyi Müstəqillik Günü münasibəti ilə paylaşımlar edib

Azərbaycan Xarici İşlər Nazirliyi 28 May - Müstəqillik Günü münasibəti ilə paylaşımlar edib.

”PostMedia” xəbər verir ki, paylaşımda bu sözlər yer alıb:

“Bu gün Azərbaycanın qədim dövlətçilik ənənələri tarixində mühüm yer tutan, dövrünün və coğrafiyasının ən mütərəqqi dövlətlərindən biri olan Azərbaycan Xalq Cümhuriyyətinin əsasının qoyulmasından 107 il ötür.

28 May - Müstəqillik Günü kimi qeyd olunan bu əlamətdar tarix münasibətilə bütün Azərbaycan xalqını səmimi qəlbdən təbrik edir, ilk Respublikamızın varisi olan müstəqil dövlətçiliyimizə - Azərbaycan Respublikasına davamlı inkişaf, sülh, sabitlik və firavanlıq arzu edirik.

Müstəqillik Günümüz Mübarək!”