"PepsiCo" 25 ildən sonra rebrendinq etdi

"PepsiCo" (Pepsi və Lay's daxil olmaqla 500-dən çox brendi əhatə edən şirkət) qlobal rebrendinq həyata keçirərək 2001-ci ildən bəri ilk dəfə loqotipini dəyişib.

"PostMedia" xəbər verir ki, bu barədə holdinqin rəsmi saytında məlumat yerləşdirilib.

"Bizim biznesimiz çox böyüyüb və transformasiya olunub, lakin korporativ brendimiz demək olar ki, 25 ildir dəyişməz qalıb. Bu gün biz qürurla yeni brend üslubumuzu təqdim edirik — bu, kim olduğumuzu və birlikdə qurduğumuz gələcəyi əks etdirir".

Yeni loqotip transformasiyanın simvolu hesab olunur və "PepsiCo"nun 2025-ci ildə və gələcəkdəki enerjisini, optimizmini və ambisiyalarını" əks etdirir.