İran bir sıra messencerlərlə fəaliyyətin bərpası barədə danışıqlara başlayıb

İranın İnformasiya və Kommunikasiya Texnologiyaları Nazirliyi bir neçə messencerin rəhbərliyi ilə ölkədə fəaliyyətin bərpası məqsədilə danışıqlara başlayıb.

"PostMedia" xəbər verir ki, bu barədə "Mehr" agentliyi məlumat yayıb.
Agentliyin xəbərinə görə, İran tərəfinin irəli sürdüyü altı şərt yerinə yetirilərsə, hökumət bu tətbiqlərə qoyulmuş bloklamanı aradan qaldıra bilər.
Qeyd olunur ki, bu şərtlər 2025-ci ilin qışında qəbul edilən Virtual Məkan üzrə Ali Şuranın qətnaməsində əks olunub. Danışıqlara rəhbərlik və məsuliyyət tamamilə İranın İnformasiya və Kommunikasiya Texnologiyaları Nazirliyinə həvalə edilib.