"Sony PlayStation 6" və yeni "Xbox" eyni ildə çıxacaq

"Sony"nin növbəti nəsil oyun konsolu "PlayStation 6"nı 2027-ci ildə təqdim etməyi planlaşdırdığı məlum olub.

"PostMedia" xəbər verir ki, eyni il "Microsoft"un yeni "Xbox" konsolunu da çıxaracağı ehtimal edilir.

Qeyd edək ki, bir neçə dəfə olub  ki, "Sony" və "Microsoft"un böyük konsolları adətən bir-birinə yaxın vaxtlarda satışa çıxır, bu həm şirkətlər, həm də oyun inkişaf etdiriciləri üçün əlverişlidir.

Yeni məlumatlara görə, "PS6"nın mərkəzində "AMD Magnus" adlı hibrid prosessor yerləşəcək. Prosessor "chiplet" dizaynına malik olacaq, ümumi sahəsi təxminən 408 mm² təşkil edəcək.

Analitiklər qeyd edir ki, yeni "Microsoft" konsolu təmiz performans baxımından "PS6"dan 25-33% daha sürətli ola bilər.