İlon Mask “Grokipedia” adlı yeni onlayn ensiklopediyanın işə salındığını elan edib

Amerikalı ixtiraçı və milyarder İlon Mask “Grokipedia” adlı kütləvi şəkildə (crowdsourcing) hazırlanmış onlayn ensiklopediyanı istifadəyə verib.

"PostMedia" AP-yə istinadən xəbər verir ki, milyarder bu platformanı Vikipediyanın əsas rəqibi kimi nəzərdə tutduğunu açıqlayıb.

Mask sosial şəbəkələrdəki paylaşımında bildirib ki, “Grokipedia.com” saytının 0.1 versiyası artıq işə salınıb və əlavə edib:

“1.0 versiyası bundan **10 dəfə daha yaxşı** olacaq”.

O, yeni platformanın əsas məqsədini belə ifadə edib:

“Grokipedia"nın məqsədi həqiqətdir — yalnız həqiqət və bundan başqa heç nə”.

Layihə, Maskın “xAI” süni intellekt şirkəti tərəfindən dəstəklənir və “Grok” adlı çat-bot ekosisteminin bir hissəsi olacaq. Ekspertlərin fikrincə, "Grokipedia2 həm AI-nin dəstəklədiyi məlumat dəqiqliyinə, həm də istifadəçilərin birgə töhfələrinə əsaslanan yeni nəsil ensiklopediya modelini təmsil edə bilər.