Elm və Təhsil Nazirliyinin 8 milyon manatlıq tenderinin qalibi müəyyən olunub

Azərbaycan Respublikasi Təhsil Nazirliyinin Təsərrüfat Hesabli Əsasli Tikinti və Təchizat İdarəsi tərəfindən elan edilən satınalma müsabiqəsinin qalibi müəyyən olunub.

“PostMedia” xəbər verir ki, respublikanın bir sıra təhsil müəssisələrində təmir, kommunal-kommunikasiya və abadlıq işlərinin alınması üçün elan edilən tenderin qalibi "S.H. İnşaat Xidməti" MMC seçilib.

Qalibə 7 206 adda xidmətin göstərilməsi üçün 8 095 862,39 manat ödəniləcək.

2011-ci ildə dövlət qeydiyyatına alınan MMC-nin nizamnamə kapitalı 50 manat, qanuni təmsilçisi isə Heydərov Səməd İsmayıl oğludur.

Adıçəkilən şirkət son 5 ildə Elm və Təhsil Nazirliyinin ümumi məbləği 19 milyon manata çatan 11 tenderinin qalibi olub.