“Yeni Həyat”ın keçmiş rəhbəri azad olunmuş ərazilərdə 9 milyon manata bina tikəcək

Ağdam, Füzuli və Xocavənd Rayonlarında Bərpa, Tikinti və İdarəetmə Xidməti nin Ağdam şəhəri 5-ci yaşayış massivi, məhəllə 0-130 üzrə binaların tikintisi işləri ilə bağlı elan etdiyi tenderə yekun vurulub.

“PostMedia” xəbər verir ki, müsabiqənin qalibi “Ang” MMC olub.

Bağlanan müqavilə əsasında qalib şirkətə 9 099 651,54 manat ödəniləcək.

Nizamnamə kapitalı 50 manat olan “Ang” MMC-nin qanuni təmsilçisi Arıxov Murad Habil oğludur.

Qeyd edək ki, M.Arıxov 2023-cü ilə qədər “Yeni Həyat Şirkətlər Qrupu” MMC-nin İdarə Heyətinin sədri olub. Şirkət Bakı şəhərində “Grand Hayat”, “Park Azure”, “Yeni Hayat Residence”, “Yeni Hayat Plaza”, “Azure” və “MegaFun” kimi iri daşınmaz əmlaklarına sahibdir.