ABŞ SEPAH-ın maliyyə şəbəkəsi barədə məlumat üçün 15 milyon dollar mükafat elan edib

ABŞ Dövlət Departamentinin "Ədalət naminə mükafat" proqramı İranın İslam İnqilabı Keşikçiləri Korpusunun maliyyə şəbəkəsi barədə məlumat üçün 15 milyon dollar təklif edir.

"PostMedia" xəbər verir ki, bu barədə proqramın sosial şəbəkələrdəki hesablarında məlumat yerləşdirilib.

“Verdiyiniz məlumatlar bu terror təşkilatının maliyyə şəbəkələrinin dağıdılmasına kömək edə bilər”.

Məlumatda həmçinin iddia olunur ki, Islamic Revolutionary Guard Corps fəaliyyətinin maliyyələşdirilməsi üçün çoxsaylı maliyyə mexanizmlərindən, o cümlədən kriptovalyuta hesablarından, vasitəçilərdən və saxta şirkətlərdən istifadə edir.