"Tesla" sahibləri qapıların nasazlığına görə qəza çəkicləri alırlar - "Bloomberg"

"Tesla" sahibləri qapıların kilidlənməsi səbəbindən pəncərələri sındırıb avtomobildən çıxa bilmək üçün qəza çəkicləri alırlar.

"PostMedia" xəbər verir ki, bu barədə "Bloomberg" məlumat yayıb.

Nəşrdə qeyd olunur ki, qapıların açılmasına cavabdeh olan elektron mexanizmlərin nasazlığı səbəbindən insanlar çıxılmaz vəziyyətdə qalırlar. Şimali Karolina sakini Erin Geter bildirib ki, kiçik oğlu Teslanın içində kilidli qaldıqdan sonra o, hətta özünə yeni Honda alıb.

"Bloomberg"in araşdırmasına görə, 2018-ci ildən bəri ABŞ tənzimləyici orqanlarına "Tesla"nın ilişib qalan qapı tutacaqları ilə bağlı 140-dan çox şikayət daxil olub.

Milli Magistral Yol Hərəkəti Təhlükəsizliyi İdarəsi (NHTSA) mexanizmlərdəki qüsurlara görə "Model Y" avtomobillərinin yoxlanılmasına başlayıb. Bir çox taksi və ortaq istifadəli avtomobil sürücüləri sərnişinlərə əvvəlcədən Tesla-nın qəza zamanı qapını mexaniki açan kabelini necə tapmağı izah edirlər. Şirkətin dizayn rəhbəri qeyd edib ki, Tesla tutacaqların konstruksiyasının dəyişdirilməsi üzərində işləyir.

Bloomberg aydınlıq gətirir ki, şirkətin müxtəlif modellərində qəza açma tutacaqlarının yeri fərqlidir. Bildirilir ki, təxminən 35 min nəfər avtomobil istehsalçılarından elektron qapıların dizaynını düzəltməyi tələb edən petisiyanı imzalayıb.