Yunanıstan partiyası: "ABŞ və NATO Avropanı Azərbaycan qazından məhrum edə bilər"

Yunanıstanda fəaliyyət göstərən “Ümumyunan yunan–rus dostluğu hərəkatı” (Pakief) bəyan edib ki, ABŞ və NATO-nun bölgədəki strateji planları Avropanı yalnız Amerika qazından asılı vəziyyətə salacaq.

"PostMedia" xəbər verir ki, partiya açıqlamasında Azərbaycan qazının istifadəsinin də məhdudlaşdırıla biləcəyini deyib.
Partiyanın fikrincə, Yunanıstan və Avropa ucuz Rusiya qazından imtina etməklə bahalı və ekoloji cəhətdən zərərli ABŞ qazına tabe olub. Pakief bu vəziyyəti “enerji sahəsində yeni milli əsarət” adlandıraraq, hökuməti ABŞ ilə imzalanmış bütün sazişləri ləğv etməyə çağırıb.