Rusiya qazı İrana Azərbaycan üzərindən çatdırılacaq

Ölkəyə qarşı tətbiq edilən sanksiyalar Rusiyadan İrana qaz tədarükünə mane olmayacaq.

"PostMedia" xəbər verir ki, bunu İranın neft nazirinin müavini Omid Şakeri bildirib.

Onun sözlərinə görə, Rusiya tərəfi layihənin həyata keçirilməsi üzərində çalışır və “snapback” mexanizminə əhəmiyyət vermir.

Qeyd edək ki, 2025-ci ilin yanvarında Rusiya və İran qaz kəmərinin Azərbaycan ərazisindən keçəcək marşrutu razılaşdırılıb. Hazırda qiymət məsələləri üzrə danışıqlar yekunlaşmaq üzrədir. İlkin mərhələdə qaz tədarükü 2 milyard kubmetr olacaq, gələcəkdə bu həcm 55 milyard kubmetrə qədər artırıla bilər.