Dünya əmtəə birjalarında yenidən ucuzlaşma qeydə alınıb

Londonun “InterContinental Exchange” (ICE) birjasında keçirilən hərrac zamanı “Brent” markalı neftin noyabr fyuçersləri üzrə 1 bareli 66,37 ABŞ dollarına təklif edilib.

“PostMedia” xəbər verir ki, bu, əvvəlki günün qiyməti ilə müqayisədə 1,12 dollar və ya təxminən 1,66 % ucuzlaşma deməkdir.

Eyni zamanda, Nyu Yorkun “Nymex” birjasında satılan WTI (Qərbi Texas) markalı xam neftin bir barelinin qiyməti 62,20 ABŞ dolları olub.

Bu da əvvəlki günlə müqayisədə 1,56 dollar və ya təxminən 2,45 % azalma deməkdir.