Bakının bu ərazilərində qaz olmayacaq

Bu gün Bakının Pirallahı və Nəsimi rayonlarındakı bəzi küçələrdə qaz təchizatı müvəqqəti olaraq dayandırılacaq.

Bu haqda “PostMedia”ya Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.

Məlumatda qeyd olunub ki, Pirallahı rayonunda qaz ölçü qovşaqlarında mövcud daraldıcı qurğuların yeniləri ilə əvəz edilməsi və Nəsimi rayonunda qaz xəttinin təhlükəsiz əraziyə köçürülməsi işləri ilə əlaqədar olaraq, aprelin 22-də saat 10:00-dan başlayaraq qaz təchizatı kəsiləcək.

Bu zaman Pirallahı rayonundakı Süleyman Bağırov və Fioletov küçələri, həmçinin Nəsimi rayonundakı Ə.Qasımzadə, M.Topçubaşov, C.Məmmədquluzadə, H.Ələsgərov, N.Vəzirov, N.Yusifbəyli, Novruzov qardaşları, M.Sənani, Bakıxanov küçələri və Vaqif prospektinin qaz təchizatında müvəqqəti fasilələr yaranacaq.