“Brent” və “WTI” neft markaları bahalaşmaqda davam edir

Londonun InterContinental Exchange (ICE) birjasında keçirilən hərracda “Brent” markalı neftin iyun fyuçersləri üzrə 1 bareli 64,76 ABŞ dollarına təklif edilib.

“PostMedia” xəbər verir ki, bu əvvəlki günün qapanışı ilə müqayisədə 3,9 ABŞ dolları və ya təxminən 6,41% bahalaşma deməkdir.

Ötən gün Nyu Yorkun “Nymex” birjasında satılan WTI (Qərbi Texas) markalı xam neftin bir barelinin qiyməti 61,50 ABŞ dolları olub.

Bu da əvvəlki günlə müqayisədə 3,99 dollar/barel və ya 6,94% artım deməkdir.