Lamin Yamal: “Messi tarixin ən yaxşısıdır, amma mən öz yolumla getmək istəyirəm”

İspaniya çempionu “Barselona”nın və Avropa çempionu İspaniya millisinin 18 yaşlı cinah hücumçusu Lamin Yamal özünün dünya çempionu, Argentina millisinin 38 yaşlı ulduzu Lionel Messi ilə tez-tez müqayisə olunmasına münasibət bildirib.

"PostMedia" bu barədə CBS nəşrinə istinadən xəbər verir.

“Messiyə həmişə hörmət edəcəyəm. O, tarixin ən yaxşı futbolçusudur, amma mən öz yolumla getmək istəyirəm. Messi bilir ki, mən onu təqlid etmək istəmirəm”.

Qeyd olunur ki, Lamin Yamalın uşaqlıqdan olan idolu “Barselona”nın sabiq futbolçusu, “Santos”un və Braziliya millisinin hücumçusu Neymar olub.