“Real Madrid”in qapıçısı yenidən komandaya qoşulub

“Real Madrid” klubunun əsas qapıçısı Tibo Kurtua sağalaraq ümumi məşqlərə qoşulub.

“PostMedia” “Marca” nəşrinə istinadən xəbər verir ki, o, bağırsaq infeksiyası səbəbindən Çempionlar Liqasının V turununda Yunanıstanın “Olimpiakos” komandası ilə oyunu buraxmışdı.

33 yaşlı belçikalı məşqçi Xabi Alonso rəhbərlik etdiyi komandanın ümumi qrupuna qatılıb və La Liqada “Jirona” ilə keçiriləcək növbəti görüşdə iştirak etməyə hazır olacaq.

Ümumim məşqlərdə həmçinin Eduard Kamavinqa, Antonio Rüdiger və Franko Mastantuono da iştirak edib. Onlar əvvəlki zədələrindən sağalmışdırlar.

David Alaba, Din Hoyzen və Dani Karvaxal isə fərdi məşq proqramı ilə məşqlərə davam edirlər.

İspaniya çempionatının 14-cü turunda “Jirona” – “Real” görüşü noyabrın 30-na təyin olunub.