“Milan” “Roma”nı məğlub edib - 1:0

İtaliya çempionatının 10-cu turunda “Milan” doğma meydanda “Roma”nı minimal hesabla məğlub edib.

“PostMedia” xəbər verir ki, oyunun yeganə qolunun müəllifi serb müdafiəçi Straxinya Pavloviç olub. O, 39-cu dəqiqədə fərqlənib.

82-ci dəqiqədə “Roma” penalti qazanıb, lakin argentinalı hücumçu Paulo Dibala 11 metrlik zərbəni dəqiq yerinə yetirə bilməyib — “Milan”ın fransalı qapıçısı Mike Menyan zərbəni qapıdan çıxarıb.

Bu qələbədən sonra “Milan” 21 xalla turnir cədvəlində 3-cü pillədə qərarlaşıb. “Roma” da eyni xala malik olsa da, əlavə göstəricilərə görə 4-cü yerdədir. 21 xal toplayan “İnter” isə hazırda 2-ci pillədədir.